පුවත් මහනුවර ජාතික කෞතුකාගාරය මහජනයා සඳහා
| මහනුවර ජාතික කෞතුකාගාරය මහජනයා සඳහා |
|
මහනුවර යුගයට අයත් “පල්ලෙවාහල″නමින්හැදින්වෙන ගොඩනැඟිල්ලෙහි පිහිටා ඇති මෙම මහනුවර ජාතික කෞතුකාගාරයේ සංරක්ෂණමය අඵත්වැඩියා කටයුතු සිදු කිරීම ආරම්භ කරන ලද්දේ 2015 වසරේදීය. රජුගේ අන්තපුර මාලිගය ලෙස සැලකෙන මෙම ගොඩනැඟිල්ල , උඩරට රාජධානිය ඉංග්‍රීසීන්ට යටත් වීමෙන් අනතුරුව ඔවුන්ගේ විවිධ කටයුතු සඳහා යොදා ගන්නා ලද අතර 1942 දී මෙහි මහනුවර ජාතික කෞතුකාගාරය ස්ථාපිත කරන ලදී. එදා මෙදා තුර මෙම ගොඩනැඟිල්ලේ විශාලතම ප්‍රතිසංස්කරණයක් සිදු කළ පළමු අවස්ථාව මෙය යි. මහනුවර යුගයේ වාස්තු විද්‍යාත්මක ලක්ෂණ මැනවින් පිළිබිඹු කෙරෙන ගොඩනැඟිල්ල එකී වාස්තු විද්‍යාත්මක ලක්ෂණවලට කිසිදු හානියක් නොවන අයුරින් සංරක්ෂණමය අඵත්වැඩියා කටයුතු සිදුකර ඇත. මෙම සංරක්ෂණමය අඵත්වැඩියාව ජාතික කෞතුකාගාර දෙපාර්තමේන්තුවේ සහ පුරාවිද්‍යා දෙපාර්තමේන්තුවේ අධීක්ෂණය යටතේ ගොඩනැඟිලි දෙපාර්තමේන්තුවේ මධ්‍යම පළාත් කාරයාලය විසින් සිදු කරන ලදී.                            01/27     |
